Tahimik at wala masyadong pagtatalo ang naganap sa latest session ng ating Sangguniang Panlungsod. Mula nang buksan ang bagong Sp ay ngayon ko lang nakita na wala masyadong pagtatalo sa pagitan ng mga konsehal. Ang maririnig ay pulos pagsang-ayon laman sa bawat isa na hindi katulad nang nangyari noong nakaraang linggo.
Iba’t ibang Memorandum of Agreement ang inihapag bilang resolusyon ng ating mga konsehal ng lungsod na sila Konsehal Ruth Mariano-Hernandez, Kon. Eddie Catindig at Kon. Santy Atienza. Binuksan na rin ni konsehal Moises Morales ang usapin tungkol sa pagpapatayo ng Calamba City Central Coliseum, na magiging sentrong palaruan ng mga atletang Calambeño. Nilapag na rin sa pangalawang pagbasa ang mga resolusyon ni Kon. Johnny Lazaro tungkol sa mga appointments ng tauhan ng ating mayor para sa iba’t ibang departamento.
Mahalagang ordinansa rin ang ipinasa sa unang pagbasa ni Konsehal Bong Baroro, co-authored nila Kon. Morel Manaig at ABC. President Saturnino Lajara. Ito ay tungkol sa pagtatanim ng mga estudyante sa lungsod ng Calamba sa kani-kanilang mga paaralan. Ito ay direktang makakatulong sa pagpapaganda ng ating kalikasan at mabibigyan rin ang mga kabataang Calambeño na mamulat nang maaga sa pagtulong sa Inang Kalikasan. Nagpasa rin ng ordinansa si Kon. Santy Atienza tungkol sa Livelihood and Cooperative Program ng lungsod.
May mga barangay resolutions rin na binasa si ABC Pres. Lajara na nagmula sa Brgy. Lamesa at Brgy. Bagong Kalsada. Maganda ang ipinasa nang Sangguniang barangay ng Lamesa na patungkol sa paghingi ng kopya ng Real Property Tax ng kanilang barangay sa ating City Assessor’s Office. Ito ay sa dahilang kinukuha sa real property Tax ang kalakhan ng budget ng isang barangay. Ang resolusyong ito ay makakatulong para sa pagpaplano ng mga proyekto at pagbabadyet sa mga barangay. Binigyang pansin rin ni ABC Pres. Lajara ang matagal nang nabinbin na pagpapatayo ng court sa Brgy. Turbina.
Marami ring resolusyon ang binasa ni ABC President Turne Lajara, partikular nagmula sa Kapulungan ng Liga ng mga Baranggay. Ang pagtalakay tungkol sa pagbibigay ng P500 monthly allowance sa Lupong Tagapamayapa at pagdagdag sa suweldo ng mga barangay tanod ang hiniling ng ating mga kapitan sa ating Sangguniang Panglunsod. Nagbasa rin ng dalawang barangay resolution si Kon. Hernandez na parehong nagmula sa Liga ng mga Barangay. Una rito ay ang pagbibigay ng libreng bakuna sa lahat ng frotliners ng barangay, kabilang ang SB, Brgy. Health Workers, Lupong Tagapamayapa at Baranggay Tanod. Ang huli naman ay ang kahilingan ng mga barangay na ibigay ng ating pununglunsod ang pondo para makabili ng mga syringe at vaccine ang bawat barangay. Ito ay upang masigurado ang kalusugan ng mga kababayan natin dito sa Calamba.
Si Kon. Morales ang nagbukas patungkol sa pagpanaw ng dating ABC President Diosdado J. Lajara, kapatid ng Vice Mayor Binoy Lajara. Inilahad niya muna ang panahong ginugol ng yumaong kasamahan bago ipasa ang isang resolusyon ng pagkilala, pagpupugay at pakikiramay sa pamilya ng pumanaw na dating miyembro n gating Sangguniang Panlungsod. Malugod naman itong tinanggap ng Presiding Officer Severino Lajara.
Sumunod na nagsalita si Konsehala Lian Aldabe nang basahin niya ang isang DILG Circular Memo. Unang beses kong marinig ang tinig ng konsehal nating ito sa loob ng sesyon. Matapos basahin ang ilang parte ng nasabing Memo ay ipinasa niya bilang resolusyon ang accreditation ng Pamahalaang Panlungsod sa mga people’s organization at mga NGOs. Si Konsehal Christian Niño Lajara ang nagbasa ng isang liham mula sa mga job order workers ng City Government of Calamba. Inilahad ng mga JO workers ang paghiling para ibigay ang dalawang buwang suweldo at midyear bonus na pawing hindi naibigay. May lagda ng mahigit 80 JO workers ang nasabing liham. Isang en banc meeting ang hiniling ni Kon. Lajara para tugunan ang nasabing problema. Binuksan rin ni Kon. Hernandez ang nangyaring pagbawas ng suweldo ng mga JO workers noong nakaraang buwan. Dito niya nilinaw na sa susunod na araw ng suweldo ay ibabalik na sa P6000 ang sahod ula sa P5000. Ito ay naging resulta ng pag-uusap ng komite ng nasabing konsehal. Binanggit niya rin na maaaring itaas pa ang suweldo ng mga JO workers sa susunod na taon sa pamamagitan ng isang resolusyon mula kay Kon. Moises Morales. Habol rin ni Kon. Santy Atienza ang suweldo at overtime pay para sa mga opisyal na driver ng bawat konsehal. Mukhang magiging maligaya ang mga empleyado ng ating city hall sa mabuting balitang ito.
Binigyang pansin din ni Kon. Morales ang pagtatayo ng isang Special Legal Council ng SP upang tugunan ang mga usaping legal sa mga pinapasang resolusyon at ordinansa. Ito ay sa dahilang hindi madalas makaharap ang mga abogado mula sa City Legal Office kapag may mga committee hearings at meeting. Sinabi ni Kon. Lajara na ipasa na agad ito bilang resolusyon dahil lubos talagang kailangan ito ng buong SP. Ibinalita rin ni Kon. Niño Lajara sa kanyang committee report na isang SM HYPERMART lamang at hindi SM City ang napagkasunduang itayo ng nasabing pribadong kompanya batay sa ginawang meeting ng Committee on Franchise.
Naging maganda ang takbo ng pag-uusap sa sesyon ngayong linggong ito. Sana naman magtuluy-tuloy ito hanggang sa mga susunod na linggo. Sana matigil muna ang girian at pamumulitika. Kailangan ng bayan ay pagtulong at pagkalinga.
Alamin ang mga kaganapan sa loob ng Sanggunian Panlungsod...ang mga ordinansa, resolusyon at mga isyu sa bawat barangay sa lungsod ng Calamba...Ang column na ito ay batay sa obserbasyon ng ating "Sesyonista" Matt Palentinos.
Monday, August 23, 2010
Tuesday, August 17, 2010
SESYONISTA: May Tumitinding Banggaan
Napapadalas talaga ang banggaan ng mga punto sa regular session ng Sangguniang Panlungsod ng Calamba. Ilang lingo na rin mapapansin na nagkakaroroon na ng regular na tagisan sa salita ang ilan nating konsehal.
Wala naman masyadong pagtatalo sa pagitan ng ating mga konsehal sa mga ipinasok na mga resolusyon sa Lunes na ito. Ang pagpasok sa magkakaibang Memorandum of Agreement sa pagitan ng siyudad at ng mga pribadong institusyon ang binasa nila Konsehal Moises Morales at Santy Atienza. Marami ring pinagtibay na mga appointments na binasa naman ni Konsehal Johnny Lazaro. Halos lahat ay mga consultants ng ating Mayor sa iba’t ibang departamento. Inilagay rin muli si Dr. Aliw Aldea bilang Presidente ng City College of Calamba. Ipinasok na rin bilang resolusyon ang pag-adapt sa Executive-Legislative Agenda na si Kon. Morales ang tumayong proponent. Ang operation ng isang temporary slaughter house ang binukas rin bilang resolusyon ni Konsehal Jose Morel Manaig na pinangalawahan ng karamihan.
Si ABC President Saturnino Lajara muli ang nagbasa ng mga baranggay resolutions ngayong linggo. Ang una ay mula sa Brgy. Kay-anlog. Ito ay ang kanilang kahilingan para sa mga trak na panambak. Patuloy na lubak-lubak ang kalsada patungo sa nasabing lugar. Pangunahin nilang hangad ay makatulong sa mga estudyante sa kanilang lugar na lubos nahihirapan ng sitwasyon sa kanilang mga kalsada. Ang Brgy. Paciano Rizal naman ay magpapatupad ng ordinansa patungkol sa trapiko na nagbabawal sa mga trak na dumaan sa National Highway nang nasabing baranggay mula alas-9 ng umaga hanggang ika-pito ng gabi. May dalawang resolusyon din ang binasa na nagmula naman sa Brgy. Pansol.
Naging tahimik sa umpisa ang pagbabasa ng mga sulat at pagbibigay ng mga rekomendasyon. Inumpisahan nila Konsehal Bong Baroro na binasa ang sulat mula sa Brgy. 4 at nila Konsehal Niño Lajara at Moises Morales na nagmula naman sa Bureau of Fire Protection. Sa pamamagitan rin ni Kon. Niño Lajara ay nakapagsalita sa sesyon ang pangulo ng isang NGO upang mag-imbita sa kanilang gaganaping kumbensyon.
Sa rekomedasyon ni Konsehala Ruth Mariano-Hernandez ay in-address niya sa sekretarya ng SP ang agarang pagbibigay ng sulat sa ating punung lunsod upang i-convene ang City Health Board. Ito ay kailangan daw madaliin na para makapagplano na ang nasabing board bago pa bumigat ang mga suliranin sa kalusugan ng mamamayan. Iba naman ang ginawang paraan ni Kon. Morales patungkol sa kanyang suhestyon ng pag-convene sa City Development Board. Ipinasa niya ito bilang isang resolusyon upang maging masmatibay at may pangil. Dito nag-umpisa ang pagpapalit ng mga salita ng dalawang konsehal. Kinuwestyon ni Konsehal Hernandez ang hakbang na ito ni Kon. Morales dahil sakop daw ng executive power ang mga Board na ito, ayon sa Local Government Code. Sagot naman dito ni Kon. Morales na sa panahon ng kanyang panunungkulan noong 2004-2007 ay hindi naging epektibo ang pagsulat lamang sa ating mayor at nasasayang lamang ang budget na nakalaan sa mga body na ito. Dinagdag pa niya na dapat itong aksyunan agad at huwag nang pag-antayin ang taumbayan. Sa huli, pinayagan na rin ng Presiding Officer Binoy Lajara ang mga hakbang na ginawa ng mga nasabing konsehal. Abangan natin kung sino ang mauuna sa kanila.
Mahaba rin ang nagging pagtatalo sa ibinahaging committee report ni Konsehal Eddie Catindig. Una niyang ipinaalam ang naganap na ocular inspection ng mga konsehal sa mga residente sa tabing –riles ng Parian at sa Housing Project ng national government ng mga ito sa Brgy. Kay-anlog. Nagbaba rin siya ng mga rekomendasyon bago tuluyang palipatin ang mga tao roon. Binanggit rin niya ang muling pagbuhay sa kanyang proyektong “Serbisyo Publiko: Alay sa Kapwa” na kilala sa pagtulong sa mga yumayao nating kababayan. Binuksan niya dito ang hirap ng proseso sa pagkuha ng burial assistance ng ating mga kababayan, partikular ang mga indigent residents. Sinang-ayunan rin ito ni Konsehala Hernandez at hiniling niya kay Kon. Catindig ang pagrebyu ng ordinansa ukol rito na naipasa na noon pang nakaraang administrasyon. Ang mga ordinansa ay ang Free Funeral Service at Burial Assistance. Sa Burial Assistance ay halaga P8000 ang maaring matanggap ng ating mga kababayan. Ang Free Funeral Service naman ay ibinibigay lamang sa mga indigent citizen. Idinagdag naman ni Kon. Atienza na hindi naman talaga dapat igiit ang burial assistance dahil para lamang ito sa mga piling mamamayan.
SInabi naman ni Kon. Morales na dapat ibigay sa ating mamamayan ang para sa kanila kaya kung maaari lamang ay gagawin niyang P20,000 ang burial assistance para sa lahat ng mamamayan ng Calamba. Subalit tinawanan lamang ito ng mga kasama niya dahil maganda man ito ay lubhang imposible naman mapatupad. Umigting pa ang pagtatalo ng mga konsehal tungkol ditto kaya humiling na ng point of order sina Konsehal Bong Baroro at ABC Pres. Turne Lajara para matapos na ang usapin.
Ipinasa na rin sa huling mga pagbasa ang ordinansa sa regulasyon ng plastik at styrofoam sa lungsod na ipinasa ni Kon. Baroro. Gayundinman, iginawad na rin ang pahintulot ni Kon. Morales para sa pagpapatayo ng residential houses nh natalong gubernatorial candidate Dennis Lazaro sa loob ng ating lungsod.
Si Konsehal Christian Niño Lajara naman ang muling nagsalita sa privilege hour. Binuksan niya ang usapin sa kahalagahan ng pagkuha ng prangkisa ng SM sa ating lungsod. Binanggit niya rin na ang prangkisa ay isang pribilehiyo sa ating mga mamamayan. Binigyang diin niya dapat sundin ng nasabing establisyemento ang mga alituntuning napapaloob sa Franchise Ordinance ng lungsod. Halimbawa niya ang mga kaso mula sa Quezon City at Makati City kung saan paborable sa lungsod ang mga husga.
Sa higit isang buwan kong pagsubaybay ng regular na sesyon, nakita ko na ang mga nabubuong hidwaan pampulitika sa ilan nating konsehal. Napakaaga pa para sabihin subalit hindi maalis sa isip ko kung paano nagkakakulay eleksyon na agad ang mga sagutang ito sa ating sesyon. Hayaan na lamang muna natin silang ipagpatuloy ang bangayan pero sana naman huwag nilang kalimutan na hindi lang doon dapat matapos ang lahat. Sabi nga ng mga matatanda na walang saysay ang salita kung kulang din naman sa gawa. Sa finale naman, makikita rin nating kung saan sila titindig, para ba sa mamamayan ng Calamba o para sa sariling interes lamang.
Wala naman masyadong pagtatalo sa pagitan ng ating mga konsehal sa mga ipinasok na mga resolusyon sa Lunes na ito. Ang pagpasok sa magkakaibang Memorandum of Agreement sa pagitan ng siyudad at ng mga pribadong institusyon ang binasa nila Konsehal Moises Morales at Santy Atienza. Marami ring pinagtibay na mga appointments na binasa naman ni Konsehal Johnny Lazaro. Halos lahat ay mga consultants ng ating Mayor sa iba’t ibang departamento. Inilagay rin muli si Dr. Aliw Aldea bilang Presidente ng City College of Calamba. Ipinasok na rin bilang resolusyon ang pag-adapt sa Executive-Legislative Agenda na si Kon. Morales ang tumayong proponent. Ang operation ng isang temporary slaughter house ang binukas rin bilang resolusyon ni Konsehal Jose Morel Manaig na pinangalawahan ng karamihan.
Si ABC President Saturnino Lajara muli ang nagbasa ng mga baranggay resolutions ngayong linggo. Ang una ay mula sa Brgy. Kay-anlog. Ito ay ang kanilang kahilingan para sa mga trak na panambak. Patuloy na lubak-lubak ang kalsada patungo sa nasabing lugar. Pangunahin nilang hangad ay makatulong sa mga estudyante sa kanilang lugar na lubos nahihirapan ng sitwasyon sa kanilang mga kalsada. Ang Brgy. Paciano Rizal naman ay magpapatupad ng ordinansa patungkol sa trapiko na nagbabawal sa mga trak na dumaan sa National Highway nang nasabing baranggay mula alas-9 ng umaga hanggang ika-pito ng gabi. May dalawang resolusyon din ang binasa na nagmula naman sa Brgy. Pansol.
Naging tahimik sa umpisa ang pagbabasa ng mga sulat at pagbibigay ng mga rekomendasyon. Inumpisahan nila Konsehal Bong Baroro na binasa ang sulat mula sa Brgy. 4 at nila Konsehal Niño Lajara at Moises Morales na nagmula naman sa Bureau of Fire Protection. Sa pamamagitan rin ni Kon. Niño Lajara ay nakapagsalita sa sesyon ang pangulo ng isang NGO upang mag-imbita sa kanilang gaganaping kumbensyon.
Sa rekomedasyon ni Konsehala Ruth Mariano-Hernandez ay in-address niya sa sekretarya ng SP ang agarang pagbibigay ng sulat sa ating punung lunsod upang i-convene ang City Health Board. Ito ay kailangan daw madaliin na para makapagplano na ang nasabing board bago pa bumigat ang mga suliranin sa kalusugan ng mamamayan. Iba naman ang ginawang paraan ni Kon. Morales patungkol sa kanyang suhestyon ng pag-convene sa City Development Board. Ipinasa niya ito bilang isang resolusyon upang maging masmatibay at may pangil. Dito nag-umpisa ang pagpapalit ng mga salita ng dalawang konsehal. Kinuwestyon ni Konsehal Hernandez ang hakbang na ito ni Kon. Morales dahil sakop daw ng executive power ang mga Board na ito, ayon sa Local Government Code. Sagot naman dito ni Kon. Morales na sa panahon ng kanyang panunungkulan noong 2004-2007 ay hindi naging epektibo ang pagsulat lamang sa ating mayor at nasasayang lamang ang budget na nakalaan sa mga body na ito. Dinagdag pa niya na dapat itong aksyunan agad at huwag nang pag-antayin ang taumbayan. Sa huli, pinayagan na rin ng Presiding Officer Binoy Lajara ang mga hakbang na ginawa ng mga nasabing konsehal. Abangan natin kung sino ang mauuna sa kanila.
Mahaba rin ang nagging pagtatalo sa ibinahaging committee report ni Konsehal Eddie Catindig. Una niyang ipinaalam ang naganap na ocular inspection ng mga konsehal sa mga residente sa tabing –riles ng Parian at sa Housing Project ng national government ng mga ito sa Brgy. Kay-anlog. Nagbaba rin siya ng mga rekomendasyon bago tuluyang palipatin ang mga tao roon. Binanggit rin niya ang muling pagbuhay sa kanyang proyektong “Serbisyo Publiko: Alay sa Kapwa” na kilala sa pagtulong sa mga yumayao nating kababayan. Binuksan niya dito ang hirap ng proseso sa pagkuha ng burial assistance ng ating mga kababayan, partikular ang mga indigent residents. Sinang-ayunan rin ito ni Konsehala Hernandez at hiniling niya kay Kon. Catindig ang pagrebyu ng ordinansa ukol rito na naipasa na noon pang nakaraang administrasyon. Ang mga ordinansa ay ang Free Funeral Service at Burial Assistance. Sa Burial Assistance ay halaga P8000 ang maaring matanggap ng ating mga kababayan. Ang Free Funeral Service naman ay ibinibigay lamang sa mga indigent citizen. Idinagdag naman ni Kon. Atienza na hindi naman talaga dapat igiit ang burial assistance dahil para lamang ito sa mga piling mamamayan.
SInabi naman ni Kon. Morales na dapat ibigay sa ating mamamayan ang para sa kanila kaya kung maaari lamang ay gagawin niyang P20,000 ang burial assistance para sa lahat ng mamamayan ng Calamba. Subalit tinawanan lamang ito ng mga kasama niya dahil maganda man ito ay lubhang imposible naman mapatupad. Umigting pa ang pagtatalo ng mga konsehal tungkol ditto kaya humiling na ng point of order sina Konsehal Bong Baroro at ABC Pres. Turne Lajara para matapos na ang usapin.
Ipinasa na rin sa huling mga pagbasa ang ordinansa sa regulasyon ng plastik at styrofoam sa lungsod na ipinasa ni Kon. Baroro. Gayundinman, iginawad na rin ang pahintulot ni Kon. Morales para sa pagpapatayo ng residential houses nh natalong gubernatorial candidate Dennis Lazaro sa loob ng ating lungsod.
Si Konsehal Christian Niño Lajara naman ang muling nagsalita sa privilege hour. Binuksan niya ang usapin sa kahalagahan ng pagkuha ng prangkisa ng SM sa ating lungsod. Binanggit niya rin na ang prangkisa ay isang pribilehiyo sa ating mga mamamayan. Binigyang diin niya dapat sundin ng nasabing establisyemento ang mga alituntuning napapaloob sa Franchise Ordinance ng lungsod. Halimbawa niya ang mga kaso mula sa Quezon City at Makati City kung saan paborable sa lungsod ang mga husga.
Sa higit isang buwan kong pagsubaybay ng regular na sesyon, nakita ko na ang mga nabubuong hidwaan pampulitika sa ilan nating konsehal. Napakaaga pa para sabihin subalit hindi maalis sa isip ko kung paano nagkakakulay eleksyon na agad ang mga sagutang ito sa ating sesyon. Hayaan na lamang muna natin silang ipagpatuloy ang bangayan pero sana naman huwag nilang kalimutan na hindi lang doon dapat matapos ang lahat. Sabi nga ng mga matatanda na walang saysay ang salita kung kulang din naman sa gawa. Sa finale naman, makikita rin nating kung saan sila titindig, para ba sa mamamayan ng Calamba o para sa sariling interes lamang.
Thursday, August 12, 2010
SESYONISTA: Mga Bagong Isyu- Sakit at Mall (SM)
Samu’t saring isyu pa ang kasalukuyang hinaharap pa rin ng ating lungsod subalit ito na naman at may mga bagong nagbubukas na usapin na dapat linawin. Ating baybayin ang nangyari regular session nitong Lunes.
Naunang binasa at inaprubahan ang ilang mga ordinansa at resolusyon. Isa dito ang pagpasa sa huling pagbasa ng Internal Rules and Guidelines ng Sangguniang Panlungsod sa pamamagitan ni Konsehal Ruth Hernandez. Binasa rin ang mga ordinansa at resolusyong panukala ni Konsehal Moises Morales na patungkol sa budget at mga reflectorize traffic signs. Si Konsehal Jose Morel-Manaig naman ang nagbasa ng ordinansa sa pagtatalaga kay dating Konsehal Dennis Lanzanas bilang pinuno ng CPDO. Malugod namang tinanggap ng mga konsehal ang bagong ordinansang inihain ni Konsehal Bong Baroro, tagapangulo ng Komite sa Kalikasan, na tungkol sa regulasyon ng paggamit ng mga plastic bag at Styrofoam sa ating lungsod. Mukhang magiging masmalinis ang ating lungsod kapag natuloy ang ordinansang ito, katulad ng nangyari sa Bayan ng Los Baños.
Hindi naman nakarating sa sesyon ang ABC President Saturnino Lajara kaya karamihan ng resolusyon ay si Konsehal Morales at Johnny Lazaro ang nagbasa. Inulan ang araw na iyon ng napakaraming baranggay resolutions. Una diyan ay ang request ng Brgy. Halang para sa isang backhoe. Ang Brgy. Pansol naman ay humiling ng pagpapasemento ng isa sa pangunahing kalsada sa kanilang baranggay at pagsasaayos ng mga drainage sa kanilang lugar. Makakatulong ito upang maibsan ang nangyayaring trapiko sa baranggay lalo na sa panahon ng bakasyon. Humiling din ang Brgy. Laguerta para magkaroon sila ng isang Multipurpose Covered Shed. Usaping trapiko rin ang naging concern ng Sangguniang Baranggay ng Halang para ipasa ang resolusyon nila nang pagbabawal sa pagtatayo ng terminal sa kanilang lugar.
Pinakapumukaw sa akin ang resolusyon mula sa Brgy. 3 na patungkol sa kahilingan ng mga magulang at estudyante sa kanilang Day Care Center. Ito ay ang pagpapabalik ng guro nila ritong si Luningning Mapala. Ito ay dahil ang mga magulang ay labis na pinagkakatiwalaan ang guro para alagaan ang kanilang mga anak. Isang magandang hakbang ito mula sa isang baranggay para dinggin ang tunay na kahilingan ng kanilang nasasakupan. Agarang iniutos ni Vice Mayor Binoy Lajara na ipasa agad ang usapin sa sangay ehekutibo dahil sakop ang mga day care centers ng DSWD.
Marami muling binasang mga petitions, letters and communications. Isang Letter of Intent mula sa isang pribadong security company ang binasa ni Konsehal Baroro. Si Konsehal Christian Niño Lajara naman ang nagbasa ng isang imbitasyon mula sa Development Academy of the Philippines para dumalo sa isang convention sa Cebu. Mabilis ang pagpayag ng kanyang mga kapwa kasama dito, maging ng Presiding Officer. Binasa naman ni Konsehala Hernandez ang sulat na pirmado ng lahat ng Personal Secretary ng mga konsehal. Ito ay tungkol sa isyu ng maling oras ng kanilang sahod. Binanggit sa sulat ang mga hinaing ng mga PS ng Sangguniang Panlungsod. Humiling naman ng suspension of the rule si Konsehal Morales para ipasa bilang resolusyon ang Executive-Legislative Agenda ng Pamahalaang Panlungsod. Pinangalawahan ito ni Konsehal Niño Lajara subalit sinabi niyang dapat ipasa ito bilang isang ordinansa dahil ito ang plano ng bawat isang konsehal, katuwang ang sangay ehekutibo, sa loob ng tatlong taon nilang termino. Higit nga naming magkakaroon ng ngipin ang nasabing ELA kung isa itong ordinansa dahil ito na ang pangako nila sa mamamayan at ito ang kanilang mga priority projects.
Iilan lamang ang narinig na Committee Reports subalit naging malalim at masusi ang nagging reaksyon ng mga miyembro ng sanggunian ukol rito. Una ay mula kay Konsehal Baroro patungkol sa nangyaring serye ng meeting tungkol sa usapin ng pagbaha sa ating lungsod. Humiling siya na gamitin ang emergency fund ng lungsod upang linisin ang ating mga drainage bilang immediate action ngayong panahon ng tag-ulan. Hindi naman agad ito sinang-ayunan ng Presiding Officer dahil dapat kasama na raw ito sa ating Development Plan. Ang nasabing panukala ni Konsehal Baroro ay pag-aaksaya rin daw ng pera ng taumbayan dahil maaaring bukas matapos ang paglilinis sa nasabing drainage ay barado na ulit ito. Simple lang naman ang nais niyang iparating, maging wais sa paggamit ng kaban ng bayan. Binuksan naman ni Konsehal Morales na i-reclassify na lang ang mga Job Order Workers ng City Hall bilang mga casual employees kung saan makakatanggap ang mga nasabing kawani ng mga dagdag benepisyo.
Bagong isyu ang nabuksan sa report ni Konsehala Hernandez sa Committee on Health and Sanitation. Ito ay tungkol sa mga kaso ng dengue sa ating lungsod. Inilabas niya ang datos ng mga suspected at probable cases ng dengue sa 38 baranggay at mapapansing mataas na ang kaso sa ilang lugar gaya ng Parian. Sinabi niya ring hindi rekomendado ng Health Department ang fogging at fumigation dahil para lang iyon sa mga lugar na laganap o may outbreak na ng sakit. Sinabi niya rin na hawak na ng Pamahalaang Panlungsod ang 54 bag na larvicide na masmagiging epektibo upang puksain ang mga pinanggagalingan ng lamok sa ating mga lugar. Naging mainit ang pagtatalo ng sagutin ito ni Konsehal Morales at luminya pa siya ng, “Aanhin pa ang gamot kung patay na ang kabayo.” Sinabi niyang dapat magtrabaho ng mahusay ang komite para hindi lumaganap ang sakit na ito sa ating lungsod. Mabilis namang nilinaw ito ni Konsehala Hernandez na nakagawa na ng rekomendasyon ang City Health Office at inulit niya rin ang mga nauna niya nang nabanggit pang mga aksyon.
Hindi pa man natatapos ang SM City Calamba ay pinuna na agad ito ng Committee on Franchise, Transportation and Utilities Chairman Christian Niño Lajara. Sinasabi niyang sa mga naganap na pag-uusap kasama ang SM ay malinaw nitong binanggit na isang SM Hypermarket lamang ang itatayo subalit nagulat na lamang siya ng malaking mall na ang itinayo ng SM. Sinabi niyang maaaring labagin nito ang City Franchise Ordinance dahil ang lokal na mamamayan ang dapat pangunahing tulungan sa ilalim ng nasabing ordinansa. Maaapektuhan rin nito ang priority project ng pamahalaan na Public Market dahil magiging direktang kakompetensya ito ng SM. Iniwan niya ang tanong sa nasabing kompanya kung ano ang magiging pananagutan ng mga ito sa mga lokal na negosyante. Pinartikular niyang halimbawa ang ating Maya Bookstore na maaaring tuluyang malugi sa pagtatayo ng SM.
Sinegundahan naman agad ito ni Konsehal Morales at idinagdag na magiging pabigat sa trapiko ang nasabing establisyemento dahil ito ay nasa sentro ng negosyo. Magiging masmahusay sana at magiging masaya ang lahat kung sa ibang lugar na lamang ito itinayo katulad ng Baranggay Turbina o Canlubang. Naglatag rin siya ng mga punto gaya ng job priority sa mga Calambeño, priyoridad na mga residente ng Calamba ang maging concessionaires at stall owners dito, paglaban sa business monopoly, pagsuplay ng produkto ng ating mga magsasaka at mangingisda sa kanilang pamilihan, at pagpondo upang magkaroon ng isang road network na gagamot sa suliraning trapiko. Tinapos ni Vice Mayor Lajara sa agarang pagkakaroon ng meeting kasama ang matataas na opisyales ng SM upang matugunan at maging malinaw ang usapin.
Maraming usapin ang hindi pa rin naaayos at nalilinaw ngunit kasabay ng panahon ay ang pagsulpot at pagkakadiskubre ng iba pang mga suliranin. Hamon sa ating mga kasama sa Sangguniang Panlungsod ang mabilisang solusyon sa mga nasabing problema. Isang solusyon na hindi lamang iilan ang makikinabang kundi isang solusyon na tayong mga mamamayan ng Calamba ang lubos na makikinabang.
Naunang binasa at inaprubahan ang ilang mga ordinansa at resolusyon. Isa dito ang pagpasa sa huling pagbasa ng Internal Rules and Guidelines ng Sangguniang Panlungsod sa pamamagitan ni Konsehal Ruth Hernandez. Binasa rin ang mga ordinansa at resolusyong panukala ni Konsehal Moises Morales na patungkol sa budget at mga reflectorize traffic signs. Si Konsehal Jose Morel-Manaig naman ang nagbasa ng ordinansa sa pagtatalaga kay dating Konsehal Dennis Lanzanas bilang pinuno ng CPDO. Malugod namang tinanggap ng mga konsehal ang bagong ordinansang inihain ni Konsehal Bong Baroro, tagapangulo ng Komite sa Kalikasan, na tungkol sa regulasyon ng paggamit ng mga plastic bag at Styrofoam sa ating lungsod. Mukhang magiging masmalinis ang ating lungsod kapag natuloy ang ordinansang ito, katulad ng nangyari sa Bayan ng Los Baños.
Hindi naman nakarating sa sesyon ang ABC President Saturnino Lajara kaya karamihan ng resolusyon ay si Konsehal Morales at Johnny Lazaro ang nagbasa. Inulan ang araw na iyon ng napakaraming baranggay resolutions. Una diyan ay ang request ng Brgy. Halang para sa isang backhoe. Ang Brgy. Pansol naman ay humiling ng pagpapasemento ng isa sa pangunahing kalsada sa kanilang baranggay at pagsasaayos ng mga drainage sa kanilang lugar. Makakatulong ito upang maibsan ang nangyayaring trapiko sa baranggay lalo na sa panahon ng bakasyon. Humiling din ang Brgy. Laguerta para magkaroon sila ng isang Multipurpose Covered Shed. Usaping trapiko rin ang naging concern ng Sangguniang Baranggay ng Halang para ipasa ang resolusyon nila nang pagbabawal sa pagtatayo ng terminal sa kanilang lugar.
Pinakapumukaw sa akin ang resolusyon mula sa Brgy. 3 na patungkol sa kahilingan ng mga magulang at estudyante sa kanilang Day Care Center. Ito ay ang pagpapabalik ng guro nila ritong si Luningning Mapala. Ito ay dahil ang mga magulang ay labis na pinagkakatiwalaan ang guro para alagaan ang kanilang mga anak. Isang magandang hakbang ito mula sa isang baranggay para dinggin ang tunay na kahilingan ng kanilang nasasakupan. Agarang iniutos ni Vice Mayor Binoy Lajara na ipasa agad ang usapin sa sangay ehekutibo dahil sakop ang mga day care centers ng DSWD.
Marami muling binasang mga petitions, letters and communications. Isang Letter of Intent mula sa isang pribadong security company ang binasa ni Konsehal Baroro. Si Konsehal Christian Niño Lajara naman ang nagbasa ng isang imbitasyon mula sa Development Academy of the Philippines para dumalo sa isang convention sa Cebu. Mabilis ang pagpayag ng kanyang mga kapwa kasama dito, maging ng Presiding Officer. Binasa naman ni Konsehala Hernandez ang sulat na pirmado ng lahat ng Personal Secretary ng mga konsehal. Ito ay tungkol sa isyu ng maling oras ng kanilang sahod. Binanggit sa sulat ang mga hinaing ng mga PS ng Sangguniang Panlungsod. Humiling naman ng suspension of the rule si Konsehal Morales para ipasa bilang resolusyon ang Executive-Legislative Agenda ng Pamahalaang Panlungsod. Pinangalawahan ito ni Konsehal Niño Lajara subalit sinabi niyang dapat ipasa ito bilang isang ordinansa dahil ito ang plano ng bawat isang konsehal, katuwang ang sangay ehekutibo, sa loob ng tatlong taon nilang termino. Higit nga naming magkakaroon ng ngipin ang nasabing ELA kung isa itong ordinansa dahil ito na ang pangako nila sa mamamayan at ito ang kanilang mga priority projects.
Iilan lamang ang narinig na Committee Reports subalit naging malalim at masusi ang nagging reaksyon ng mga miyembro ng sanggunian ukol rito. Una ay mula kay Konsehal Baroro patungkol sa nangyaring serye ng meeting tungkol sa usapin ng pagbaha sa ating lungsod. Humiling siya na gamitin ang emergency fund ng lungsod upang linisin ang ating mga drainage bilang immediate action ngayong panahon ng tag-ulan. Hindi naman agad ito sinang-ayunan ng Presiding Officer dahil dapat kasama na raw ito sa ating Development Plan. Ang nasabing panukala ni Konsehal Baroro ay pag-aaksaya rin daw ng pera ng taumbayan dahil maaaring bukas matapos ang paglilinis sa nasabing drainage ay barado na ulit ito. Simple lang naman ang nais niyang iparating, maging wais sa paggamit ng kaban ng bayan. Binuksan naman ni Konsehal Morales na i-reclassify na lang ang mga Job Order Workers ng City Hall bilang mga casual employees kung saan makakatanggap ang mga nasabing kawani ng mga dagdag benepisyo.
Bagong isyu ang nabuksan sa report ni Konsehala Hernandez sa Committee on Health and Sanitation. Ito ay tungkol sa mga kaso ng dengue sa ating lungsod. Inilabas niya ang datos ng mga suspected at probable cases ng dengue sa 38 baranggay at mapapansing mataas na ang kaso sa ilang lugar gaya ng Parian. Sinabi niya ring hindi rekomendado ng Health Department ang fogging at fumigation dahil para lang iyon sa mga lugar na laganap o may outbreak na ng sakit. Sinabi niya rin na hawak na ng Pamahalaang Panlungsod ang 54 bag na larvicide na masmagiging epektibo upang puksain ang mga pinanggagalingan ng lamok sa ating mga lugar. Naging mainit ang pagtatalo ng sagutin ito ni Konsehal Morales at luminya pa siya ng, “Aanhin pa ang gamot kung patay na ang kabayo.” Sinabi niyang dapat magtrabaho ng mahusay ang komite para hindi lumaganap ang sakit na ito sa ating lungsod. Mabilis namang nilinaw ito ni Konsehala Hernandez na nakagawa na ng rekomendasyon ang City Health Office at inulit niya rin ang mga nauna niya nang nabanggit pang mga aksyon.
Hindi pa man natatapos ang SM City Calamba ay pinuna na agad ito ng Committee on Franchise, Transportation and Utilities Chairman Christian Niño Lajara. Sinasabi niyang sa mga naganap na pag-uusap kasama ang SM ay malinaw nitong binanggit na isang SM Hypermarket lamang ang itatayo subalit nagulat na lamang siya ng malaking mall na ang itinayo ng SM. Sinabi niyang maaaring labagin nito ang City Franchise Ordinance dahil ang lokal na mamamayan ang dapat pangunahing tulungan sa ilalim ng nasabing ordinansa. Maaapektuhan rin nito ang priority project ng pamahalaan na Public Market dahil magiging direktang kakompetensya ito ng SM. Iniwan niya ang tanong sa nasabing kompanya kung ano ang magiging pananagutan ng mga ito sa mga lokal na negosyante. Pinartikular niyang halimbawa ang ating Maya Bookstore na maaaring tuluyang malugi sa pagtatayo ng SM.
Sinegundahan naman agad ito ni Konsehal Morales at idinagdag na magiging pabigat sa trapiko ang nasabing establisyemento dahil ito ay nasa sentro ng negosyo. Magiging masmahusay sana at magiging masaya ang lahat kung sa ibang lugar na lamang ito itinayo katulad ng Baranggay Turbina o Canlubang. Naglatag rin siya ng mga punto gaya ng job priority sa mga Calambeño, priyoridad na mga residente ng Calamba ang maging concessionaires at stall owners dito, paglaban sa business monopoly, pagsuplay ng produkto ng ating mga magsasaka at mangingisda sa kanilang pamilihan, at pagpondo upang magkaroon ng isang road network na gagamot sa suliraning trapiko. Tinapos ni Vice Mayor Lajara sa agarang pagkakaroon ng meeting kasama ang matataas na opisyales ng SM upang matugunan at maging malinaw ang usapin.
Maraming usapin ang hindi pa rin naaayos at nalilinaw ngunit kasabay ng panahon ay ang pagsulpot at pagkakadiskubre ng iba pang mga suliranin. Hamon sa ating mga kasama sa Sangguniang Panlungsod ang mabilisang solusyon sa mga nasabing problema. Isang solusyon na hindi lamang iilan ang makikinabang kundi isang solusyon na tayong mga mamamayan ng Calamba ang lubos na makikinabang.
Monday, August 2, 2010
SESYONISTA: ANG PAGSAGOT AY MAY TAMANG PANAHON RIN
Mahaba at maingay ang nangyaring sesyon nagyong linggo dito sa Sangguniang Panlungsod ng Calamba. Hindi matatawaran ang mga isyung inihapag ng kapulungan nitong Lunes. May mga isyung magaan na sana pero pinabibigat pa ng ilan nating konsehal. All present ang buong SP kahit na medyo nahuli ng dating sina Konsehala Lian Aldabe at SK Jayne Rizal ay nakahabol pa rin para sa mahahalagang usapin.
Ilang resolusyon ang pinaumpisahan at inihapag sa first reading nila Konsehal Moises Morales at Konsehal Jose Morel Manaig. Sinundan nito ang second reading ng resolusyon ni Konsehal Christian Niño Lajara tungkol sa extension ng kontrata sa canteen concessionaire ng City Hall. Binara naman ito ni Konsehal Morales at hinihingi na huwag munang aprubahan ito kahit napangalawahan na ng mayorya ng kapulungan. Noong nakaraang sesyon, isa siya, kasama si Konsehal Juan Lazaro, sa nagsecond motion sa nasabing resolution. Sa huli, tumahimik na lang siya pansumandali at nakinig sa mga sumunod na nagsalita. Binasa rin para sa second reading ang ma appointments na inihapag ni Konsehal Johnny Lazaro noong nakaraang Linggo.
May tatlong baranggay resolution naman na binasa ang ABC President Saturnino Lajara para sa sesyong ito. Ito ay nagmula sa Baranggay kay-anlog, Baranggay 4 at Baranggay Real. Sumabat muli si Konsehal Morales at sinabi kay ABC President Lajara na dapat raw na ang lahat ng signatories ng mga nasabing resolusyon ay umatend ng session para makitan nilang umaaksyon ang Sangguniang Panlungsod sa mga kahilingan nila. Malinaw namang sinagot ito ni ABC Pres. Lajara na dumaan na sa mga paliwanag ng mga baranggay. Sinabi niya rin na may kakayahan namang talagang ipatawag ng Sangguniang Panlungsod ang mga opisyal ng baranggay.
Mahaba rin ang naging pag-uusap sa bahagi ng pagbabasa ng mga petitions, letters and communications. Binuksan ni Kon. Luis Vergel Baroro ang hinaing ng Pansol Tourism Council sa pagbaha sa kanilang mga lugar. Binasa niya rin ang sulat ng City Environment and Natural Resources Office tungkol sa pagtatayo ng Pollution Monitoring Center sa ating lungsod.
Unang beses ko ring narinig magbigay ng isang petisyon at pagpuna ang SK President Jayne Rizal. Una niyang binanggit ang matagal ng hinaing ng mga nasa Women’s Desk Officer ng baranggay at mga SK Councilors ng ating mga baranggay para sa P500 monthly allowance nila. Mabilis naman itong sinagot ni Konsehal Ruth Hernandez. Sinabi niyang aprubado na talaga ang pondo para sa mga Women’s Desk Officer na nakailalin sa Gender and Development Fund. Pumabor din siya kay SK jayne Rizal na hingiin na rin sa sangay ng ehekutibo ang budget para sa mga SK Councilors. Inirekomenda ng Presiding Officer Severino Lajara ang nasabing usapin sa Chairman ng Appropriations.
Binuksan din ni SK Jayne Rizal ang tunkol sa Memorandum of Agreement ng ating lungsod sa National Food Authority. Binigyang-diin niya dapat hindi na hintayin pa ang pagdedeklara ng State of Calamity o ng State of Eminent Danger bago kumuha ng bigas sa nasabing ahensya. Kinontra pa rin ito ni Kon. Morales at sinabing ayon sa MOA sa NFA ay hindi makapagbibigay ng bigas ang ahensya ng walang kalamidad na nangyayari sa sesyon. Nakahanap naman agad ng kakampi ang SK President sa katauhan nila Kon. Bong Baroro at Niño Lajara. Sinabi ni Kon. Baroro na hindi naman kailangang na calamity fund lang ang gamitin kung mag-iimbak ng bigas. Maaaring humingi ng budget sa City Mayor’s Office kung kinakailangan.
Kasabay ng sesyon ay ang kilos-protestang inilulunsad ng ilang jeepney drivers at operators sa pangunguna ng PISTON sa main entrance ng city hall. Ito ay kaugnay ng nangyayaring kurapsyon ng mga tiwaling traffic enforcers at tungkol sa mga iligal na terminal sa siyudad. Si Konsehal Niño Lajara ang nagbasa ng kanilang sulat. Nakalagay sa sulat ang mga nangyayaring mga pekeng hulihan upang makakuha ng pera ang mga “barker” at ilang mga traffic enforcer, partikular sa lugar ng Crossing. Ginagawa raw na gatasan ng mga tiwaling opisyal ang mga jeepney drivers. Hinihiling ng mga drivers at operators na magkaroon ng makataong patakaran sa ating mga daanan. Nilinaw rin ni Kon. Lajara na tanging ang Kalayaan Multi-Prurpose Cooperative Terminal sa Crossing ang tanging legal na terminal ng mga jeepney sa buong Calamba. Humihiling ang konsehal ng malinaw na imbestigasyon ng Sangguniang panlungsod tungkol dito.
Sumang-ayon sa kanya si Kon. Baroro at sinabing magkaroon ng isang emergency meeting sa pangunguna ng Chairman ng Franchising na si Kon. Lajara pagkatapos ng sesyon. Malinaw rin daw na mayroong mga nasa kapangyarihan ang pumoprotekta sa mga iligal na terminal na iyan. Sumali muli sa usapan si Kon. Morales at sinabing huwag magpadalus-dalos sa akusasyon ng lagayan at magbitbit ng “picture” kung totoo man iyon ngunit sinabi ni Kon. Lajara na kaya nga dapat imbestigahan ito ng Sangguniang Panlungsod dahil rito. Nagbigay rin ng opinyon si Vice Mayor Binoy Lajara dahil sa nangyayaring pagtatalo ng mga konsehal. Sinabi niyang gawin na lamang kung anuman ang mga ipinangako ng ating mga inihalal na opisyal noong panahon pa ng kampanya.
Binasa rin ni Konsehal Morales ang kagustuhan niyang gawan ng pailaw ang lahat ng baranggay sa Upland. Si Kon. Ruth Mariano-Hernandez naman ang nagbasa ng isang sulat mula sa pangulo ng City College of Calamba na humihiling para sa mga dagdag empleyado at promosyon ng ilan nilang mga guro. Pinaalala niya rin ang nalalapit na pagdiriwang ng ika-150 kaarawan ng ating pambansang bayaning si Dr. Jose Rizal. Sinabi nyiang dapat itong masusing paghandaan ng ating pamahalaan.
Naging mainit rin ang talakayan sa Committee Report ni Kon. Eddie Catindig. Ikinwento niya ang nagyaring pag-uusap niya sa mga naninirahan sa tabing-riles sa Brgy. Parian. Sinabi niya rin ang kanyang naipangako sa mga nakausap niya na magkakaroon ng isang ocular inspection ang buong Sangguniang Panlungsod. Sumang-ayon naman ang lahat ng konsehal dito, maging ang presiding officer. Idinagdag na lamang ni Kon. Bong Baroro na dapat humingi pa rin ng permiso ang SP sa national Housing Authority. Idinagdag ni Konsehal Lajara na kailangan siguraduhin ang kapakanan ng mamamayan pagdating sa isyu ng relokasyon. Sinermunan naman ni Vice Mayor Lajara ang mga konsehal dahil sa paulit-ulit at humahabang pagtatalo tungkol dito. Dagdag niya rin na dumaan na naman sa dating SP ang pag-apruba sa pabahay na paglilipatan sa mga maapektuhan. Minsan lamang magsalit ngunit direkta at malnaw na ibinunton ni Konsehal Santiago Atienza ang sisi sa NHA dahil sa palpak na pagkakagawa ng pabahay. Ito naman daw talaga ang dahilan kung bakit nag-aatubili ang mga tao na lumipat sa relocation site. Pinuna naman mismo ng Presiding Officer sa Chairman ng Committee on Public Works Moises Morales ang nasabing usapin at sinabing dapat siyang magtrabaho. Ang sagot naman ni Kon. Morales ay hindi naman trabaho niya ang usapin bagkus ng ibang komite.
Mainit ang talakayan at naging sagutan pagdating sa privilege speech ng tila sinagot ni Kon. Moises Morales ang pagsesermon sa kanya ng Presiding Officer Binoy Lajara. Malinaw niyang binanggit na adapt raw sundin lamang ng mga konsehal ang laman ng Internal Rules and Procedures. Sinabi niya rin na ang kanilang trabaho ay magpasa ng mga resolusyon at hindi umaksyon. Sa gitna ng pagsagot ni Vice Mayor Lajara ay pinutol na agad nito ni Kon. Bong Baroro para i-adjourn ang sesyon at hindi na lumaki ang tunggalian.
Hindi naman masama ang pagsagot at pagsabat basta nasa tamang lugar at tamang panahon. Subalit sa loob ng pamahalaan, ang tunay na kailangan ay aksyon. Mabilis at walang patumpik-tumpik dapat ang ating mga opisyal sa paggawa ng mga programa at paraan. Kaya nawawalan ng tiwala ang mga tao sa gobyerno dahil mabagal ang proseso, puro debate na lamang kahit wala na naman talagang ipinupunto. Kung wala namang magandang sasabihin, kailangan na lamang ay tumahimik. Tanggapin ang puna ng maluwag at itama ang pagkakamali para sa masmaayos na hinanarap.
Ilang resolusyon ang pinaumpisahan at inihapag sa first reading nila Konsehal Moises Morales at Konsehal Jose Morel Manaig. Sinundan nito ang second reading ng resolusyon ni Konsehal Christian Niño Lajara tungkol sa extension ng kontrata sa canteen concessionaire ng City Hall. Binara naman ito ni Konsehal Morales at hinihingi na huwag munang aprubahan ito kahit napangalawahan na ng mayorya ng kapulungan. Noong nakaraang sesyon, isa siya, kasama si Konsehal Juan Lazaro, sa nagsecond motion sa nasabing resolution. Sa huli, tumahimik na lang siya pansumandali at nakinig sa mga sumunod na nagsalita. Binasa rin para sa second reading ang ma appointments na inihapag ni Konsehal Johnny Lazaro noong nakaraang Linggo.
May tatlong baranggay resolution naman na binasa ang ABC President Saturnino Lajara para sa sesyong ito. Ito ay nagmula sa Baranggay kay-anlog, Baranggay 4 at Baranggay Real. Sumabat muli si Konsehal Morales at sinabi kay ABC President Lajara na dapat raw na ang lahat ng signatories ng mga nasabing resolusyon ay umatend ng session para makitan nilang umaaksyon ang Sangguniang Panlungsod sa mga kahilingan nila. Malinaw namang sinagot ito ni ABC Pres. Lajara na dumaan na sa mga paliwanag ng mga baranggay. Sinabi niya rin na may kakayahan namang talagang ipatawag ng Sangguniang Panlungsod ang mga opisyal ng baranggay.
Mahaba rin ang naging pag-uusap sa bahagi ng pagbabasa ng mga petitions, letters and communications. Binuksan ni Kon. Luis Vergel Baroro ang hinaing ng Pansol Tourism Council sa pagbaha sa kanilang mga lugar. Binasa niya rin ang sulat ng City Environment and Natural Resources Office tungkol sa pagtatayo ng Pollution Monitoring Center sa ating lungsod.
Unang beses ko ring narinig magbigay ng isang petisyon at pagpuna ang SK President Jayne Rizal. Una niyang binanggit ang matagal ng hinaing ng mga nasa Women’s Desk Officer ng baranggay at mga SK Councilors ng ating mga baranggay para sa P500 monthly allowance nila. Mabilis naman itong sinagot ni Konsehal Ruth Hernandez. Sinabi niyang aprubado na talaga ang pondo para sa mga Women’s Desk Officer na nakailalin sa Gender and Development Fund. Pumabor din siya kay SK jayne Rizal na hingiin na rin sa sangay ng ehekutibo ang budget para sa mga SK Councilors. Inirekomenda ng Presiding Officer Severino Lajara ang nasabing usapin sa Chairman ng Appropriations.
Binuksan din ni SK Jayne Rizal ang tunkol sa Memorandum of Agreement ng ating lungsod sa National Food Authority. Binigyang-diin niya dapat hindi na hintayin pa ang pagdedeklara ng State of Calamity o ng State of Eminent Danger bago kumuha ng bigas sa nasabing ahensya. Kinontra pa rin ito ni Kon. Morales at sinabing ayon sa MOA sa NFA ay hindi makapagbibigay ng bigas ang ahensya ng walang kalamidad na nangyayari sa sesyon. Nakahanap naman agad ng kakampi ang SK President sa katauhan nila Kon. Bong Baroro at Niño Lajara. Sinabi ni Kon. Baroro na hindi naman kailangang na calamity fund lang ang gamitin kung mag-iimbak ng bigas. Maaaring humingi ng budget sa City Mayor’s Office kung kinakailangan.
Kasabay ng sesyon ay ang kilos-protestang inilulunsad ng ilang jeepney drivers at operators sa pangunguna ng PISTON sa main entrance ng city hall. Ito ay kaugnay ng nangyayaring kurapsyon ng mga tiwaling traffic enforcers at tungkol sa mga iligal na terminal sa siyudad. Si Konsehal Niño Lajara ang nagbasa ng kanilang sulat. Nakalagay sa sulat ang mga nangyayaring mga pekeng hulihan upang makakuha ng pera ang mga “barker” at ilang mga traffic enforcer, partikular sa lugar ng Crossing. Ginagawa raw na gatasan ng mga tiwaling opisyal ang mga jeepney drivers. Hinihiling ng mga drivers at operators na magkaroon ng makataong patakaran sa ating mga daanan. Nilinaw rin ni Kon. Lajara na tanging ang Kalayaan Multi-Prurpose Cooperative Terminal sa Crossing ang tanging legal na terminal ng mga jeepney sa buong Calamba. Humihiling ang konsehal ng malinaw na imbestigasyon ng Sangguniang panlungsod tungkol dito.
Sumang-ayon sa kanya si Kon. Baroro at sinabing magkaroon ng isang emergency meeting sa pangunguna ng Chairman ng Franchising na si Kon. Lajara pagkatapos ng sesyon. Malinaw rin daw na mayroong mga nasa kapangyarihan ang pumoprotekta sa mga iligal na terminal na iyan. Sumali muli sa usapan si Kon. Morales at sinabing huwag magpadalus-dalos sa akusasyon ng lagayan at magbitbit ng “picture” kung totoo man iyon ngunit sinabi ni Kon. Lajara na kaya nga dapat imbestigahan ito ng Sangguniang Panlungsod dahil rito. Nagbigay rin ng opinyon si Vice Mayor Binoy Lajara dahil sa nangyayaring pagtatalo ng mga konsehal. Sinabi niyang gawin na lamang kung anuman ang mga ipinangako ng ating mga inihalal na opisyal noong panahon pa ng kampanya.
Binasa rin ni Konsehal Morales ang kagustuhan niyang gawan ng pailaw ang lahat ng baranggay sa Upland. Si Kon. Ruth Mariano-Hernandez naman ang nagbasa ng isang sulat mula sa pangulo ng City College of Calamba na humihiling para sa mga dagdag empleyado at promosyon ng ilan nilang mga guro. Pinaalala niya rin ang nalalapit na pagdiriwang ng ika-150 kaarawan ng ating pambansang bayaning si Dr. Jose Rizal. Sinabi nyiang dapat itong masusing paghandaan ng ating pamahalaan.
Naging mainit rin ang talakayan sa Committee Report ni Kon. Eddie Catindig. Ikinwento niya ang nagyaring pag-uusap niya sa mga naninirahan sa tabing-riles sa Brgy. Parian. Sinabi niya rin ang kanyang naipangako sa mga nakausap niya na magkakaroon ng isang ocular inspection ang buong Sangguniang Panlungsod. Sumang-ayon naman ang lahat ng konsehal dito, maging ang presiding officer. Idinagdag na lamang ni Kon. Bong Baroro na dapat humingi pa rin ng permiso ang SP sa national Housing Authority. Idinagdag ni Konsehal Lajara na kailangan siguraduhin ang kapakanan ng mamamayan pagdating sa isyu ng relokasyon. Sinermunan naman ni Vice Mayor Lajara ang mga konsehal dahil sa paulit-ulit at humahabang pagtatalo tungkol dito. Dagdag niya rin na dumaan na naman sa dating SP ang pag-apruba sa pabahay na paglilipatan sa mga maapektuhan. Minsan lamang magsalit ngunit direkta at malnaw na ibinunton ni Konsehal Santiago Atienza ang sisi sa NHA dahil sa palpak na pagkakagawa ng pabahay. Ito naman daw talaga ang dahilan kung bakit nag-aatubili ang mga tao na lumipat sa relocation site. Pinuna naman mismo ng Presiding Officer sa Chairman ng Committee on Public Works Moises Morales ang nasabing usapin at sinabing dapat siyang magtrabaho. Ang sagot naman ni Kon. Morales ay hindi naman trabaho niya ang usapin bagkus ng ibang komite.
Mainit ang talakayan at naging sagutan pagdating sa privilege speech ng tila sinagot ni Kon. Moises Morales ang pagsesermon sa kanya ng Presiding Officer Binoy Lajara. Malinaw niyang binanggit na adapt raw sundin lamang ng mga konsehal ang laman ng Internal Rules and Procedures. Sinabi niya rin na ang kanilang trabaho ay magpasa ng mga resolusyon at hindi umaksyon. Sa gitna ng pagsagot ni Vice Mayor Lajara ay pinutol na agad nito ni Kon. Bong Baroro para i-adjourn ang sesyon at hindi na lumaki ang tunggalian.
Hindi naman masama ang pagsagot at pagsabat basta nasa tamang lugar at tamang panahon. Subalit sa loob ng pamahalaan, ang tunay na kailangan ay aksyon. Mabilis at walang patumpik-tumpik dapat ang ating mga opisyal sa paggawa ng mga programa at paraan. Kaya nawawalan ng tiwala ang mga tao sa gobyerno dahil mabagal ang proseso, puro debate na lamang kahit wala na naman talagang ipinupunto. Kung wala namang magandang sasabihin, kailangan na lamang ay tumahimik. Tanggapin ang puna ng maluwag at itama ang pagkakamali para sa masmaayos na hinanarap.
Subscribe to:
Posts (Atom)